Mobile Virus ṭhenkhat hai le a thawk dan.

 

Mobile virus hi chi tam tak a um a, an thawk dan hai khawm chi dang sengin Phone a hin sin an thaw thei a, Virus hi siem lo, a khata hung um, thil ṭha naw leia hung um hrim ni lovin siem fawm ani ve a, a bik takin Virus hi Hacker hi siem suok, mi personal information lakrukna ding le hriet theina dinga an siem ani tlangpui hlak a nih.

Ads by Eonads

1. Adware: Internet connection i onn pha website le social media or networking site dang dang i lut pha i phone hmai a khan pop-up hung inlang a ta, chu pop-up a chun marketing promotion (entirnan, flipkart, amazon le e-comercial site) dang danga mi man tlawmte damin hung offer hlak an tih. Kha kha i lut a, official sites ani si naw chun i personal information (bank account/mobile number etc.) ieng khawm lo va register ngai naw rawh.

Hacker hai bawkin an siem ani leiin force takin mi thuomhnaw le mi ta iengkhawm hi an inruk thei ngai naw a, an them thei bawk naw a, chulleiin i personal thil an hriet theina dingin link dang an hung siem hlak a nih.

   

Ads by Eonads

2. Ransomware: Hi hi virus laia hrat tak ni awm tak chu a nih, ama hi chu anti-virus boin sukbo thei ani ve naw thung a, a khatin file an create thei a, phone nasa takin a thleng danglam thei a, user haiin an hriet thei lo khawpin a rukin a thawk ve thung leiin ama ruok hi chu Antivirus Apps khawm an siem nasan tak ani hiel a nih.

3. Spyware: Hi virus Application (Apps) tieng pang deu a tlur a, ama hi virus laia rukru tak ti thei hiel khawpa mi personal thil inruk ding zawng rawp rawp hlak a nih. Apps hrim hrim hi a thei hram chun Android phone ei hmang ani chun Google Playstore ah install a ṭha tak a nih. Playstore hi scanner ṭhatak ani la, a hranpa-a antivirus i lo nei naw khawma playstore hin virus application hi a hung hril thei che a nih.

Mi personal thil inruk tum na leia Apps playstore ah an lo upload chun playstore hin a test vawng a, ringzo a um ani chun playstore hin a siesawng a, a sie hnung khawmin a nungchang an thlak danglam vei chun playstore a inthawkin remove ani hlak a nih.

Hi Apps hi chihni in sin a thaw hlak a, chikhat chu: Chrome/browser etc. hmanga download thei ni si, install thei si lo, install thei a lo ni khawma phone sungah hmu ding um bawk si lo, kha kha a pawi hle a nih. Phone a hin ei personal thei ei lo store vei chun kha virus khan a lo hriet thei na chu hacker hai khan kha app kha an hung control thei tlat a nih.

Chihnina chu: App kha install thei ani a, iengkhawm buoina um lovin ei hmang thei a, amiruokchu app sunga khan signup (register) na ding a um leiin ei lo in register el ta a, kha khan ei personal thil chu an lo kawlṭha zing chu a nih.

Thutawpna: Khi a chunga ei suklang hai khi virus sinthaw dan hai chu ani ngei a, amiruokchu virus ni si lo khieng ang Pop-up Ads, Notification, App downloading etc. a um ve bawk a nih. Chuonghai chu ei hmang ding chun ei hmang hmain ring an um le an um naw en chieng hmasa hlak ding a nih.

Admin.