Files (photo, video, document etc.) sieṭhatna dingin iem a ṭha tak a?

Files sieṭhatna dingin a tlangpui thuin SD card (Memory Card) hi ei zuk ti el hlak a, Amiruokchu SD (Secure Digital) Card hi awlsam taka zuk sie thut thei ani leiin ringzo thawk khat an tak ta hle a nih. 

SD Card a siet awl zuolna hai chu (1) Virus leiin. (2) Phone rik taluo leiin. (3) Fake company leiin. (4) Product ṭha naw leiin. (5) Expired leiin. (6) Chips inkhawk leiin. (7) Tuihu (hnawng) leiin. Hienghai lei hin SD Card hi ringzo a um ta naw a, SD Card ah ei lo sieṭha ding khawma Online in cloud storage ah ei backup hlak ding a nih. A sie pal thut khawma keidawk nawk el an hawi a nih.

Ads by Eonads

Amiruokchu SD Card nekin a ṭhenin Facebook, Instagram etc hai hi photo sieṭhatna damin an hmang ve thung a, a hen ruok chun Video sieṭhatna ding Youtube an hmang ve bawk hlak. Ieng ieng khawm chu nisien a ṭha vawng a, a remchang vawng bawk. Chuong lai zing chun, file kha ei upload hnung khan ei zuk download nawk a, original ang kha chu ani ta naw phawt a nih. A bikin Whatsapp hin a thleng danglam nasa a nih. Chuleiin file pawimaw deu lem hieng ang social media hai mei meia inpek el hi ei lo thaw hlaka chu thaw chi ni chu ani naw a nih.

A picture an lang el kha ni loin, a ri a suok el kha ni loin a file quality khawm kha ensa a ngai a, quality a sukhnuoi chun hmang naw phawt a ṭha hle a nih (file sieṭhatna le thil pawimaw leia inthawnnaa dingin).

Chuleiin file sieṭhatna dinga ka recommend nuom tak chu Google Drive hi a nih. Iengkim i sielut ta phawt kha chu original quality vawngin download nawk thei i ta, a secure (him) em em bawk a nih.

Ads by Eonads

Google Drive chu iem ana?:

Google drive hi google user hai ta dinga siem ani a, Laptop/Desktop (PC) i lo nei naw khawma hi taka inthawk hin Microsoft a excel/word processing hai kha online in i siem thei a, awlsam taka peksuok le download nawk thei vawng a nih.

A remchang nawna chu online ani lei le, gmail a ngai lei hi ani el thei. 

            Online ani leiin Internet chu a kei deu el thei a, amiruokchu i process nuhnung hai kha automatic in a lo insave pei a, edit nawk khawm a buoi ngai naw a nih.

Gmail hi nei ngei ngei a ngai, i file kha i gmail account a khan a lo store vawng ding a nih. Gmail account phat a hin 20GB pei ani a, i hmang zo ta khawma i la upgrade nawk thei pei a, chu ti lo khawm chu gmail dang siemsa a hmang nawk pei thei ani leiin a buoi ve naw hrim hrim a nih.

Gmail chungchang i en nuom chun hi taka hin CLICK la en nawk thei i tih.

Admin...